Le të pushojë ajo që dëshironim, ajo që ne kemi qenë duke dëshiruar. Unë, të paktën, po e bëj këtë: në moshën time kam pushuar të dëshiroj atë që dëshiroja kur isha një adolishent. Në lidhje me këto dëshira, ka marrë fund ajo kohë por vetëm në ditët dhe netët e mia që kanë kaluar; kjo është detyra ime, ky është objekt i mendimeve të mia - t'u jap fund sëmundjeve të mia kronike që burojnë nga dëshirat e vjetra.
Jam duke u munduar të jetoj çdo ditë sikur të ishte një jetë e plotë. Unë me të vërtetë nuk e rrëmbej sikur të ishte dita ime e fundit; megjithatë, e konsideroj sikur mund të jetë edhe e fundit. Letra e tanishme ju është shkruar me këtë në mendje, sikur vdekja do të më kapte në vetë aktin e shkrimit. Unë jam gati të largohem në çdo kohë dhe do e shijoj jetën vetëm sepse nuk jam shumë i shqetësuar për largimin tim në ditët e ardhshme. Gjithnjë i them vetes: " para se të plakem u përpoqa të jetoja mirë; dhe kur të jem plakur, do të përpiqem të vdes mirë; por të vdesësh mirë do të thotë të vdesësh me kënaqësi. Ruaju që të mos bësh kurrë asgjë pa dashur. "
Ajo që do të jetë e domosdoshme nëse rebeloheni, nuk është domosdoshmëri nëse e dëshironi. Kjo është ajo që dua të them: ai që i merr urdhrat e tij me kënaqësi, i shpëton pjesës më të hidhur të skllavërisë - duke bërë atë që nuk dëshiron të bëjë. Njeriu që bën diçka nën urdhra nuk është i pakënaqur; ai është i pakënaqur që bën diçka kundër vullnetit të tij. Le të vendosim kështu mendjet tona në mënyrë që të dëshirojmë gjithçka që na kërkohet, dhe mbi të gjitha që të mund të reflektojmë mbi fundin tonë pa trishtim.
Ne duhet të bëhemi gati për vdekjen para se të bëhemi gati për jetën. Jeta është e mobiluar mjaft mirë, por ne jemi shumë lakmitarë në lidhje me orenditë e saj; diçka gjithnjë na duket se mungon dhe do të duket gjithmonë e munguar. Të kesh jetuar mjaft gjatë nuk varet as nga vitet tona, as nga ditët tona, por nga mendjet tona. Unë kam jetuar, mjaft kohë sipas mendjes sime. Unë kam pasur ngopjen time; kështu që unë e pres vdekjen duke jetuar me kënaqësi, jo duke jetuar në panik nga frika e vdekjes !
#NdalohetKopjimi
#Lejohetshpërndarja
