Një martesë e suksesshme është kur çifti shqetësohet për njëri tjetrin, jo nga njëri tjetri!

Një martesë e suksesshme është kur çifti shqetësohet për njëri tjetrin, jo nga njëri tjetri!

Çdo njeri ka një "xhenet" në kokën e tij që kërkon ta zaptojë...dhe një "xhehenem" në shpirt që kërkon ta shuajë!

Një lutje e vogël flet më shumë se një vëllim librash!

Rebeli

Albert Kamus thotë se një rebel është ai që i thotë "Jo" çdo gjëje nga ligjet.

Shumica e njerëzve janë rebelë të cilëve u pëlqen rreziku, u pëlqen emocioni që fitojnë nga kundërshtimi dhe thyerja e ligjeve dhe rregullave. Ata nuk pëlqejnë thjesht veprimin si veprim por aksionin që i bën të ndihen rebelë, sepse u jep idenë e lirisë që thyen kufijtë ligjorë, njerëzorë dhe moralë. Psh: ata rrezikojnë të pinë drogë, jo sepse kjo është e mirë por sepse droga është e jashtëligjshme dhe u jep ndjesinë e madhështësisë, gjë që rezulton fatale. Disa të tjerë zgjedhin rreziqe të tjera sipas mundësive dhe aftësive; dikush tradhëton seksualisht, jo sepse i pëlqen por sepse ndihen superiorë, ndiejnë emocionin e fortë që i jep gjallëri, gjë që përfundon në skandal të rëndë!
Mirëpo lind një pyetje: nëse nuk do kishte ndalesa ligjore dhe morale për të gjitha këto veprime, pra, nëse tradhtia nuk do përfundonte me divorc dhe do vazhdonin jetën qetësisht pa e përcaktuar si tradhëti, a do kishte një emocion të fortë ky veprim? Nëse droga do ishte e ligjshme dhe të mos dënohej askush, a do kishte kënaqësi dhe a do ishte bërë e njohur duke i vendosur çmime marramendëse?

Kënaqësia e rremë dhe aksioni emocional është manipuluar në mënyrë të tillë që sa më shumë të kundërshtohet me ligj, aq më shumë do e veprojnë rebelët të cilët nuk kanë pjekurinë për ta kuptuar në kohë.

#ndalohetkopjimi
#lejohetshpërndarja

Arti i kontrollit

Nëse keni vështirësi me dikë në jetën tuaj, mund të kaloni pak kohë vetëm dhe t'i shkruani një letër atij ose asaj. Jepini vetes tre orë për të shkruar një letër duke përdorur fjalimin e duhur. Ndërsa shkruani letrën, praktikoni të shikoni thellë në natyrën e marrëdhënies suaj. Pse komunikimi ka qenë i vështirë? Pse lumturia nuk ka qenë e mundur? Ju mund të dëshironi të filloni kështu, "Biri im i dashur, e di që keni vuajtur shumë gjatë shumë viteve të fundit. Unë nuk kam qenë në gjendje të të ndihmoj në fakt, e kam përkeqësuar situatën. Nuk është qëllimi im të të bëj ty vuaj, biri im. Ndoshta nuk jam mjaftueshëm i aftë. Ndoshta po përpiqem të të imponoj idetë e mia dhe të bëj të vuash. Në të kaluarën mendoja se më ke bërë të vuaj, se vuajtja ime është shkaktuar nga ti. Tani e kuptoj që unë kam qenë përgjegjës për vuajtjet e mia dhe se unë të kam bërë të vuash. Si babai yt, nuk dua që ti të vuash". Kaloni tre orë, qoftë edhe një ditë, duke shkruar një letër të tillë. Do të zbuloni se personi që përfundon letrën nuk është i njëjti person që e filloi atë. Paqja, mirëkuptimi dhe dhembshuria ju kanë transformuar. Një mrekulli mund të arrihet në njëzet e katër orë. Kjo është praktikë e të folurit të dashur.

#ndalohetkopjimi 

#lejohetshpërndarja

Të falësh

Të falësh nuk është thjesht një fjalë goje; falja është reflektim për të kaluarën me qëllim që mos të ndodhë përsëri; falja është të duash të jetosh të ardhmen pa zemërimin e së kaluarës; falja është të shkulësh shkurret e inatit dhe të mbjellësh lulet e mirësisë; falja është të mbash zemrën të qetë që e ke falur dikë, jo sepse meritonte faljen tënde por sepse falja që i bën dikujt e qetëson ndërgjegjen tënde; të falësh do të thotë se vuajtjes e të kaluarës bëhen mësime për të ardhmen, jo hakmarrje ndaj tjetrit; të falësh do të thotë se je i ndërgjegjshëm që dhe ti je gabimtar i cili meriton falje; të falësh do të thotë se zemra jote nuk ka ego dhe nuk e kujton më të kaluarën përsëri...

Të falësh nuk është thjesht një fjalë goje por një mal me vepra që dëshmojnë një zemër të mbushur me cilësi dhe virtyte madhështore të cilat i mbart vetëm dikush që është me të vërtetë Njeri! 

#ndalohetkopjimi 

#lejohetshpërndarja

Kënaqësinë që më dha mirënjohja nuk e gjeta kurrë në asnjë pasuri.

Kënaqësinë që më dha mirënjohja nuk e gjeta kurrë në asnjë pasuri.
Mësimin që më dha durimi nuk e gjeta kurrë në asnjë libër.
Qetësinë që gjeta në adhurim nuk e fitova dot askund.
Sigurinë që gjeta në besim nuk e gjeta dot në asgjë kalimtare.
Shoqërinë që gjeta në libra nuk e gjeta dot në asnjë udhëtim.
Ëmbëlsinë që shijova nga sinqeriteti im nuk e gjeta në asnjë pije apo ushqim.

 

Edhe nëse bota është në luftë, ti bëj atë që di të bësh më mirë e më bukur.

Edhe nëse bota është në luftë, ti bëj atë që di të bësh më mirë e më bukur; në kohë krize ushqe një të varfër qoftë dhe me një buzëqeshje; kur zjarret egërsohen dhe pyjet digjen, ti mbill një fidan me shpresën se nesër do lulëzojë; nëse uria po vret parimet njerëzore, ti ngjalle një motiv për të qëndruar njerëzor; nëse të gjithë i sheh se po ecin zbathur, ti gëzoji ata që janë me këmbë të shëndosha; e nëse dikush nuk ka këmbë për të ecur, ti jepu krahë për të ëndërruar; nëse malet janë pleqëruar dhe filizat janë tharë, ti bëhu një pikë shiu në zemrat e tyre për të gjallëruar ngjyrat e jetës; nëse bota po shkon drejt humnerës, ti bëhu litari i shpëtimit; nëse bota po kthehet në një burg, ti bëhu shtëpia e njerëzve; nëse dashuria është zbehur në horizontin e jetës, ti bëhu poeti frymëzues për viktimat e saj.

#ndalohetkopjimi
#lejohetshpërndarja

Ditët dhe netët...

Ditët dhe netët...
...po shkojnë...
...e bashkë me to...
...edhe çastet.
Kujtimet mbeten...
...me ty kudo...
...Ëndrrat shuhen...
...ashtu si tik-tak-et.

Orët qajnë në mur...
...nga errësira që lë pas...
...një perëndim...
...shuhet me të një yll...
...e bashkë me të...
...dy sy...
...në agoni.

Me shpresën...
...që nuk vdes...
...derisa shpirti ndriçon...
...për një ditë të re...
...me lejen e Zotit...
...sytë do më agojnë.

#ndalohetkopjimi
#lejohetshpërndarja