Miq të Librit!
Lexojeni me vëmendje këtë shkrim dhe më thoni nëse ka ndonjë paradoks dhe nëse po, si mund të zgjidhet kjo situatë?
Gjë e ndërlikuar me ekspertët është se si të përcaktohet se kujt duhet besuar dhe kujt nuk duhet t'i besohet. Do të ishte marrëzi të besosh çdo ekspert të vetëshpallur, kështu që një person që kërkon ndihmë nga një ekspert duhet të jetë në gjendje të dallojë ekspertë të vërtetë nga ekspertë të rremë dhe ekspertë që janë shumë të besueshëm nga ekspertë që janë më pak të besueshëm. Ky nuk është biznes i lehtë. Kriteret për të dalluar të besueshmen nga e pabesueshshmja duhet të jenë kritere që mund të zbatohen pa njohuri ekspertësh, pasi që një person në kërkim të një eksperti të besueshëm nuk posedon njohuri të tilla. Nëse ai do të kishte njohuri eksperti vetë nuk do të kishte nevojë për një ekspert.
Duhet përmendur se ka njerëz që pretendojnë se problemi që ne po trajtojmë është i pazgjidhshëm. Sipas këtyre është plotësisht e pamundur që një jo-ekspert të vlerësojë nëse një person është i besueshëm si ekspert apo jo. Vetëm një person me ekspertizë mbi çështjen e temës mund të vlerësojë nëse dikush tjetër është ekspert i çështjes. Nga kjo pikëpamje rrjedh se e gjithë idea e besimit të ekspertëve është paradoksale. Vetëm një jo-ekspert ka nevojë të besojë një ekspert, por vetëm një ekspert mund të vlerësojë nëse dikush është i besueshëm si ekspert. Kjo do të thotë që çdo argument që i drejtohet autoritetit është i gabuar. Një argument që i drejtohet autoritetit pretendon se kemi arsye të mira për t'i besuar dikujt si ekspert, por nëse besimi te ekspertët është paradoksal në mënyrën e sapo thënë, nuk mund të ndodhë kurrë që të kemi arsye të mira për t'i besuar dikujt. Nëse nuk jemi ekspertë, kurrë nuk mund të dimë nëse personi në fjalë është i besueshëm dhe nëse ne jemi ekspertë nuk kemi asnjë arsye të besojmë në dikë tjetër përveç vetes tonë.
#ndalohetkopjimi
#lejohetshpërndarja
