Çdo njeri ka një të kaluar dhe kjo e kaluar shpesh herë ndikon në vendimet e së ardhmes. Kjo gjë nuk është e gabuar përderisa jemi të vetëdijshëm se çfarë marrim nga e kaluara për ta shtruar në vendimet tona drejt së ardhmes. Problemi qëndron se kjo e kaluar formon në mendjen e një personi një lloj kutie e cila kufizon mendimet dhe vendimet e së ardhmes duke i parë nëpërmjet vrimave të vogla të kësaj kutie.
Ne kështu e kufizojmë mendimin tonë të dobishëm pa ndonjë arsye. Ne i bëjmë gjërat thjesht sepse kështu i kemi bërë gjithmonë. Unë dua që ju të dini se angazhimi për t'i shërbyer jetës suaj është që gjithmonë të shikoni jashtë kutisë për zgjidhjet më inovative të mundshme për problemet tona. Ne kurrë nuk duhet të bëjmë diçka vetëm sepse kjo është mënyra se si e kemi bërë gjithmonë.
Të gjithë ne priremi t'i shikojmë sfidat tona nga brenda një kutie. Ne marrim atë që kemi bërë në të kaluarën dhe e vendosim para syve tanë dhe pastaj përpiqemi të parashikojmë atë që ne e quajmë "e ardhmja". Por kjo e kufizon të ardhmen tonë. Me atë pamje të kufizuar, më e mira që mund të jetë e ardhmja është një "e kaluar e re dhe më e mirë". Energjia e madhe motivuese ndodh kur dalim nga kutia dhe supozojmë se mundësitë për ide krijuese janë të pafundme. Për të realizuar të ardhmen më të mirë të mundshme për veten tuaj, mos e shikoni atë përmes një kutie që përmban të kaluarën tuaj.
#ndalohetkopjimi
#lejohetshpërndarja
