Te gjithe kemi nevoje per intimitet. Asgje nuk na pengon te dashurojme shume njerez, me intensitet te ndryshem dhe forma te shumellojshme, por kjo le te pandryshuar kerkesen per zhvillimin e nje marredhenieje te vecante, te ndryshme nga cdo tjeter. Permendim gjithnje nevojen per njerez, me te cilet te zhvillojme lidhje te vecanta , qe na sigurojne ndjenje ngrohtesie dhe sigurie, per me teper nje shkalle intimiteti teresisht te vecante, nje dashuri te thelle, te dallueshme nga cdo tjeter. Ne pergjithesi, nje marredhenie e tille ndjell nje dimension seksual. Kjo eshte nje lidhje ne te njejten kohe fizike dhe shpirterore, qe dhuron force dhe vepron ne menyre misterioze, duke na ofruar sherim dhe qetesi. Kur eshte e lidhur ne nje intimitet te thelle, dashuria ngrihet ne nivelin me te larte te pervojes njerezore. Ne kete shkalle ekzaltimi ne braktisim egoizmin tone, behemi te brishte dhe perjetojme nje gezim, nje shperblim te plote, qe nuk krahasohet me pervojat e tjera te jetes. Kaperthehemi nga ekstaza, qe duhet te jete e jona dhe vetem e jona. Kufijte mjegullohen, cdo cak pushon se ekzistuari dhe ngazellehemi nga bashkimi yne. Behemi nje njeri i vetem, megjithese ne te njejten kohe jemi dy.
